✍️ Shkruar nga “Shkodra Sport”
Vllaznia e ka lënë pas humbjen e djeshme me Teutën dhe nga dita e sotme ka nisur të mendojë për sfidën e rradhës, atë që do të luajë ditën e enjte në orën 13:30 ndaj Vorës, ndërkohë që stadiumi se ku do të luhet ende nuk është përcaktuar.
Për këtë ndeshje, për Vllazninë do të rikthehen dy mesfushorët Ardit Krymi dhe Eslit Sala që munguan për arsye kartonash ndaj durrakëve. Por ndërkohë për të njëjtën arsye do të mungojë në sfidën e rradhës një tjetër lojtar i rëndësishëm i formacionit kuqeblu.
Bëhet fjalë për sulmuesin anësor Lirim Kastrati. Ai u ndëshkua me karton të verdhë ditën e djeshme dhe në këtë mënyrë ka plotësuar numrrin katër të tyre dhe për këtë arsye nuk do të mundet të luajë ndaj Vorës. Kjo padyshim që do të jetë një mungesë e rëndësishme për trajnerin Martini.
Aq më tepër që ka shumë të ngjarë të ketë edhe mungesa të tjera sepse disa prej lojtarëve të formacionit kanë shfaqur sërish probleme me dëmtimet e tyre dhe nuk përjashtohet mundësia që të ketë të tjera mungesa të rëndësishme në formacion për sfidën ndaj Vorës.
