Boksieri nga Lushnja, Florian Marku do të ndeshet në ring këtë të shtunë me britanikun Alex Fearon. Dueli do të zhvillohet në mbrëmjen e 12 dhjetorit, në “SSE Arena” në arenën e Webbley në Londër.
Përballë shqiptarit do të vendoset Alex Fearun që gjatë karrierës ka 11 paraqitje, nga të cilat 9 fitore dhe 2 humbje, njërën me knock out.
Vetëm përpara një muaji, pikërisht në 10 nëntor, Marku mposhti Mwemmba në Londër, teksa për 100 sekonda e hodhi tre herë në tapet, duke triumfuar me knock Out.
Shqiptari padyshim është pretendent për fitoren e radhës, me Markun që nuk e ka ndalur për asnjë çast stërvitjen./newsport/
