Kategoria Superiore do rikthehet sot me javën e 24. Në 13:00 zhvillohen dy duele, me Vllazninë që pret Bylis dhe Kukësi ndeshet me Apoloninë në “Elbasan Arena”.
Shkodranët e kanë detyrim fitoren, që në tetë ndeshjet e fundit kanë marrë vetëm një fitore. Vendi I parë në diskutim dhe heshtja për shtyp duhet të tregohen në fushë, ndaj një Bylis që është rikthyer te loja e fortë.
Nga ana tjetër, Kukësi do ketë përballë Apoloninë. Fierakët në javët e fundit kanë barazuar me Partizanin dhe Laçin, duke “kërcënuar” verilindorët.
Zona e promocionit dhe ajo e mbijetesës janë më të hapura se kurrë, me duelet e mesditës së sotme që mund të vendosin shumë për kreun e Superligës.
