Sulmuesi i Al Nassr, Cristiano Ronaldo, u nderua me çmimin prestigjioz “Lojtari më i Mirë” i Lindjes së Mesme gjatë Globe Soccer Awards 2025. Ceremonia u zhvillua në një mbrëmje gala në Dubai, ku morën pjesë futbollistë, presidentë klubesh dhe figura të njohura globale të sportit.
Pas marrjes së çmimit, Ronaldo deklaroi se motivimi i tij mbetet i lartë, pavarësisht vendit ku luan:
“Fokusi im do të vazhdojë të jetë në shënimin e golave, fitimin e më shumë trofeve dhe arritjet personale,” tha ylli portugez.
