FIFA do t’i mundësojë një guidë të veçantë të gjithë myslimanëve, rreth 100 mijë të tillë, të cilët do të udhëtojnë në Rusi, për Botërorin e kësaj vere.
Guida do të specifikojë gjithçka, që nga vendodhjet e Xhamive, restorantet përkatëse, dhe çdo informacion për orën e lutjes.
Në total, për këtë turne janë kualifikuar plot 7 vende ku popullsia e tyre përbëhet kryesisht nga myslimanët, të cilat janë: Arabia Saudite, Egjipti, Maroku, Irani, Tunisia, Senegali dhe Nigeria.
Arabia Saudite do ta startojë Botërorin me ndeshjen kundër Rusisë, sfidë që do të luhet në stadiumin e Luzhniki, në Moskë, më 14 Qershor, ditë që përkon edhe me fundin e muajit të Ramazanit.
Sekretarja e përgjithshme në FIFA, Fatma Samoura, me origjinë nga Senegali, tha për mediat Arabe se qëllimi i Organizatës është që t’i kriojë kushte sa më komode të gjithë myslimanëve.
“Besimi është pjesë e jetës sime, dhe të gjithë që më njohin, e dinë që unë jam Myslimane dhe që jetoj si e tillë.
Botërori këtë vit do të ketë shumë lojtarë mysliman dhe shumica e tifozëve do të jenë me agjërim me muajin e Ramazanit, i cili përfundon, pak para ndeshjes hapëse të këtij eventi.
Ne në FIFA duam të sigurojmë të gjithë myslimanët, lojtarët, stafin, dhe tifozët që të kenë të gjithë informacionin e saktë për çdo gjë që të dëshirojnë.”- përfundoi Samoura. /EDS/
