Samuel Eto’o konsiderohet si lojtari më i mirë afrikan i të gjitha kohërave.Legjenda e Kamerunit luajti për klubet kryesore si Inter dhe Barcelona dhe fitoi gjithçka, duke luajtur përkrah futbollistëve të mëdhenj.
Ish-sulmuesi së fundmi ka emëruar tre lojtarët më të mirë me të cilët ka luajtur në karrierën e tij të shkëlqyer.Eto’o ishte në kulmin e tij te Barcelona dhe Interi nga mesi i viteve 2000 deri në fillim të viteve 2010. Në Spanjë, ai fitoi tre tituj të La Ligas dhe dy Champions League me katalanasit.
Pasi fitoi Triplete-n në 2009 me Barcelonan nën drejtimin e Pep Guardiolas, ai iu bashkua Interit të Jose Mourinhos dhe fitoi një tjetër Triplete. Ai është i vetmi lojtar që fiton dy Triplete radhazi me dy klube të ndryshme.
Përpara se të luante për klubet më të mira europiane, Eto’o fitoi dy tituj të Kupës së Kombeve të Afrikës në 2000 dhe 2002 me Kamerunin, sipas Transfermarkt. Ai gjithashtu fitoi çmimin Lojtari Afrikan i Vitit katër herë.
42-vjeçari njoftoi tërheqjen e tij nga futbolli në vitin 2019. Ai shënoi mbi 350 gola në karrierën e tij në klub.Në një intervistë për France 24, Eto’o zbuloi lojtarët më të mirë me të cilët ka luajtur në nivel ndërkombëtar dhe me klubin.
“Patrick Mboma. E megjithatë, marrëdhënia jonë personale nuk ka qenë gjithmonë e lehtë. Sot jam i lumtur sepse gjithçka është rikuperuar, gjithçka është kthyer në normalitet.
“Unë kam qenë përsëri në telefon me të më herët dhe është gjithmonë një kënaqësi. Ai ishte shoku im më i mirë sulmues në kombëtare”.
“Në nivel klubi, ishin Ronaldinho dhe Messi”.
Mboma është një nga lojtarët më të mirë të Afrikës. Lionel Messi dhe Ronaldinho janë gjithmonë në top 10-shen e futbollistëve më të mëdhenj të të gjitha kohërave.
