Vllaznia mori një fitore të rëndësishme dhe me rezultatin e thellë 6-3 ndaj Dinamos në “Loro Boriçi”. Në kampin shkodran tashmë kanë lënë pas këtë triumf dhe janë përqendruar te sfida e radhës.
Vllaznia do të ketë një tjetër ndeshje delikate pas do të sfidojë Kukësin në transfertë. Për këtë takim, trajneri Brdariç ka marrë lajme të mira përsa i përket rikthimeve të disa futbollistëve.
Mbrojtësi Mevlan Adili ka shlyer pezullimin e kartonave e do të jetë në fushë, ndërsa është rikuperuar edhe sulmuesi Da Silva.
Braziliani mungon që nga ndeshja ndaj Partizanit, por së fundmi është bashkuar me ekipin në stërvitje e pritet të luajë disa minuta. Në fushë si zakonisht do të jetë edhe mesfushori Elvedin Heric.
Mesfushori doli nga loja i dëmtuar ndaj Dinamos, por nuk ka probleme serioze dhe nuk rrezikon ndeshjen me Kukësin./newsport/
