Miqësorja mes Shqipërisë dhe Italisë ka qenë një nga eventet më të ndjekura në mbrëmjen e 16-nëntorit. Në Shqipëri ky takim kishte interesin e shumë tifozëve, diçka që u reflektua edhe nga shitja e të gjitha biletave në “Air Albania”.
Megjithatë, interesi duket se ka qenë i lartë edhe në anën tjetër të Adriatikut. Në fakt, ka qenë vetë Rai, kanali që ka të drejtën televizive të Kombëtares së Italisë, që lajmëroi se kishte fituar bindshëm sfidën e shikueshmërisë me konkurrentët e tjerë sa i përket audiencës.
Kështu, nga sa mësohet, miqësorja mes Shqipërisë dhe Italisë ka mbajtur përpara ekranit në “Rai 1” plot 4.412.000-italianë.
Normalisht, një interes i paparë në vendin fqinj, teksa të shumtë kanë qenë edhe shqiptarët që jetojnë prej vitesh në Itali që kanë ndjekur këtë ndeshje miqësore pikërisht në “Rai 1”.
Maringlen ZHIVANI
