Abaz Karakaçi është në kërkim të një ekipi të ri. Mesfushori është një prej futbollistëve që spikati me Kastriotin sezonin e fundit dhe që tashmë ka edhe pëlqimin e disa ekipeve të huaja.
29-vjeçari është në pritje të një oferte përfundimtare nga një ekip i huaj, emri i të cilit nuk bëhet i ditur momentalisht dhe është gati ta shqyrtojë atë.
Gjithsesi, Karakaçi po shqyrton edhe situatat e ofertave me ekipet e tjera që e kanë kontaktuar. Megjithatë, në një komunikim me “Shkodra Sport”, ai thotë se në Shqipëri luan vetëm për Kastriotin.
Këtë sezon me krutanët, mesfushori shkodran zhvilloi 34-ndeshje, teksa arriti të shënojë edhe një gol. Megjithatë, në ditët në vijim mbetet për t’u parë e ardhmja e Abaz Karakaçit, nëse do të firmosë te ndonjë ekip jashtë vendit apo do të rinovojë me Kastriotin.
Maringlen ZHIVANI
