Krahë trajnerit Shehi, para mediave para ndeshjes me Vllazninë ka dalë edhe sulmuesi i Kukësit, Vasil Shkurtaj. Ky i fundit është shprehur se ekipi është i detyruar të marrë fitoren ditën e nesërme me Vllazninë, duke u shprehur se do të jetë një ndeshje shumë e vështirë.
Do të jetë një ndeshje shumë e vështirë, duhet ta vlerësojmë në maksimum këtë ndeshje. Në këtë situatë që jemi tani, nuk e kemi luksin të mendojmë për rezultat tjetër, duhet të luajmë vetëm për fitore.
Mungesat?
E vërteta është se do na mungojnë shumë lojtarët që janë të rëndësishëm, por ka lojtarë që do luajnë në këtë ndeshje dhe duhet të tregojnë vlerat e tyre.
Aspekti psikologjik?
Kur në 3 ndeshje nuk merr rezultatin që do, normal që mërzitesh, por jemi profesionistë dhe kanë mbetur shumë ndeshje para, ku ne duhet të reagojmë.
