Ndeshja e mbyllur 1-1 mes Dinamos dhe Egnatias nuk ka lënë shije të mirë për asnjërin nga trajnerët. I pari që reagoi negativisht ishte Gugash Magani i cili pasi reagoi ndaj gabimit të VAR për anulimin e një goli pati shpërthim të ashpër ndaj Telushit dhe e ka një arsye të fortë.
“Mendoj se goli i anuluar është i padrejtë. Nuk shikoj pozicion jashtë loje. Ajo quhet koha e lojës, lojtari jonë nuk është pozicion jashtë loje, nuk është Shtubina. Është e padrejtë, për mua është gol”.
Me të mbaruar mendimin, Magani më pas u përvesh ndaj mesfushorit të tij që e akuzon se ka gabuar rëndë që ia la penalltinë e humbur që ta gjuante Augusto dhe jo ish lojtari i Partizanit.
“I përgëzova lojtarët për pjesën teknike dhe i kritikova ashpër për pjesën e disiplinës. Ndodh shpesh në futbollin tonë: lojtarë të veçantë u duket vetja se janë më të rëndësishëm se skuadra. Për mua vlen grupi, e kam me Telushin. Ai është lider, por lejoi Pedro Augustën të godiste penalltinë, ndërkohë që kishim vendosur ndryshe.
Është hera e dytë që ky lojtar e bën këtë, do mbajmë qëndrimin tonë. Nuk mund të luajë kush me mua. Trajneri nuk futet në fushë, por insistova. Atë nuk e bën djali im, jo më Telushi. Pedro është lojtar shumë i mirë, po ka karakter të brishtë”, deklaroi shumë i rrituar trajneri i Egnatias.
Ndërkohë në krahun tjetër, Bledi Shkëmbi pranoi se skuadra bëri mirë po aq sa bëri keq ku ndeshja sipas tij edhe mund të fitohej por edhe mund të humbej.
