Rastet tjera “Ronaldo” në horizont? Jo, kësaj here nuk bëhet fjalë për akuzat për përdhunim, por për një nga arsyet kryesore përse fituesi i 5 herë të “Topit të Artë” u largua nga Spanja: çështja e taksave dhe jo vetëm mospagimi i tyre.
Siç raporton “Mundo Deportivo”, legjislacioni tatimor iberik, i cili që nga koha e të ashtuquajturit “Ligji Beckham” favorizoi ardhjen e taksapaguesve të rinj dhe të pasur nga jashtë (ashtu si futbollistët), mund të ndryshojë pas marrëveshjes ndërmjet dy partive PSOE dhe Podemos, i cili parashikon rritjen e tatimit mbi të ardhurat më të larta.
Një zgjedhje që, sipas gazetës, do të prekte të gjithë lojtarët e La Ligës, ku askush nuk do të ishte i përjashtuar. Sipas llogaritjeve të “Mundo Deportivo” një individ që fiton më shumë se 130 mijë euro në vit, do të kishte një rritje të taksave me 2%.
Edhe më keq mund të shkojë për ata që fitojnë më shumë se 300 mijë euro, ku do të shohin se përqindja e të ardhurave që do të dhuroheshin për shtetin do të rritet me 4%.
Vlerësimet e gazetës iberiane tregojnë se të paktën 20 futbollistë të elitës mund të largoheshin nga Spanja. Dhe “dhimbja e kokës” ka nisur për disa yje.
Në këtë formë, do të ishte shumë e vështirë për klubet spanjolle jo vetëm për të mbajtur lojtarët e tyre, por edhe për t’i blerë ato. Me rritjen e taksave, ardhja e futbollistëve nga vendet e huaja do të kushtojë më shtrenjtë për ekipet e La Ligës, gjë që mund të sjellë që klubet spanjolle të ofrojnë më shumë para për klubet e huaja dhe lojtarët, nga sa ai mund të kushtojë në të vërtetë në treg.
Lind pyetja a është e mundur të imagjinohet një eksod masiv nga kampionati spanjoll dhe një rënie konsekuente e La Ligës? Po, dhe “Seria A” na e vërteton këtë.
Juventusi arriti të merrte një ndër lojtarët më të mirë në botë, Ronaldon dhe një nga arsyet kryesore ka qenë pikërisht mënyra e taksimit në Itali./telesport/
