Koronavirusi është shtrirë në gjithë botën dhe shumë njerëz po humbin të dashurit e tyre në këtë betejë. Në Bregun e Fildishtë janë regjistruar 533 të infektuar dhe 4 të vdekur. Didier Drogba është futbollisti më i madh që ka nxjerrë ky vend dhe ish-sulmuesi i madh ka vendosur të ndihmojë njerëzit e tij.
France24 raporton se Drogba ka vendosur spitalin e tij në dispozicion të njerëzve, duke e kthyer në një qendër ekzaminimesh. Ish-bomberi i Chelsea e ka ndërtuar atë në Attecoube, një nga lagjet më popullore të Abidjan, por nuk është inaguruar ende.
“Tani i takon shtetit që ta bëjë atë funksional”, shprehet Mariam Breka, drejtori i fondacionit që zotëron Drogba, teksa nuk mungon as vlerësimi nga njerëzit e politikës, të cilët e falënderojnë 42-vjeçarin për gjestin patriotik. /abcnews/
