Barazimi 1-1 i arritur ne ndeshjen e djeshme ne mes Dinamo City dhe Vllaznise, luajtur ne “Elbasan Arena” duket se i ka kenaqur por edhe jo te dy skuadrat. Megjithate per specialistin e futbollit Sulejman Starova, rezultati i barabarte ishte me i drejti per kete ndeshje, ndonese shkodranet ishin thuajse triumfues ne kete perballje.
Nje analize te tille Starova e ka bere gjate emisionit “Skaner” teksa nder te tjera eshte shprehur se trajneri Memelli i mori maksimumin skuadres se vet ne kete ndeshje e per kete eshte shprehur:
“Nisur nga ajo qe dhane ne fushen e lojes, une mendoj se asnjera skuader nuk e meritonte fitoren dhe per kete arsye, them se rezultati me i drejte i kesaj ndeshje ne mes Dinamos dhe Vllaznise ishte barazimi.
Ne pjesen e pare deri ne minuten e 40-te ishte Dinamo superiore ne zoterimin e topit me skemen e saj 4-2-3-1, nderkohe qe Vllaznia luante me 4-3-3, skeme te cilen e lexuam si nje kujdes dhe shfaqje ne fushe si nje skuader solide ne fazen difensive dhe per te shfrytezuar kundersulmin me Malen dhe Gruden ne mbeshtetje te Balajt.
Pas minutes se 40-te Vllaznia reagoi nderkohe qe ne pjesen e dyte ajo e nisi me gol pas atij 11-metershi te fituar nga Gruda. Pas pesimit te golit, Dinamo vuajti ne kerkim te golit te barazimit, por nderrimet mendoj se ishin efikase sepse Kaçorri u be protagonist ne rastin e golit, duke shpetur ne njefare menyre skuadren e tij.
Barazimi ishte rezultat i pranueshem per Dinamon, sepse te mos harrojme Vllaznia kishte edhe dy raste te tjera te pastra shenimi dhe bashke edhe me ate te fundit, tre raste, ndersa Dinamo u be e rrezikshme me tre aksione ne minutat 65, 67 dhe 68 dhe pas ketij momenti e deri te goli, nuk po prodhonte asgje.
Sa i takon Vllaznise, do te thoja se Memelli ia mori maksimumin skuadres se vet. E vendosi skuadren mire, i shfrytezoi te gjitha mundesite qe kishte. Ne pjesen e dyte u be me e rrezikshme dhe kontrolloi gjithçka dhe te mos ishte ai veprim i bukur i Kaçorrit, do te kishte dale e fituar nga kjo ndeshje”./SHKODRA-SPORT.COM/
