Vllaznia fitoi 2-0 ne ndeshjen e kaluar ndaj Teutes dhe ajo qe ra ne sy ishte permiresimi i disa gjerave ne lojen mbrojtese te skuadres shkodrane, duke mos i dhene shume mundesi kundershtarit te organizoje sulme ne gjysmefushen e kuqebluve.
Nje gje e tille eshte vleresuar si shume pozitive edhe nga specialisti i futbollit Sulejman Starova qe ne emisionin “Skaner” ia ka cilesuar si merite trajnerit Memelli, por nga ana tjeter eshte shprehur se mbetet per t’u pare nese nje gje e tille do te vijoje te evidentohet edhe ne ndeshjet e ardhshme.
“Ndaj Teutes me pelqeu Vllaznia. Ajo i ka patur oshilacionet e saj, ka bere nje ndeshje per t’u harruar ne Laç, por e dime te gjithe qe trajnerit i duhet pak kohe. Ne ndeshjen ndaj ekipit durrsak pashe shume impenjim, duke filluar nga Balaj i pari.
Vllaznia beri presion ne bllok lart, nuk e la asnjehere Teuten te organizohej nga poshte sepse çdo tentative per ta nisur sulmin nga poshte, topi perfundonte ne kembet e lojtareve te Vllaznise. Nuk kishte lojtar te skuadres shkodrane qe te mos merrte pjese ne fazen difensive te saj.
Te 5 lojtaret e vijes se sulmit ishin te gjithe gati per presion dhe nuk kane pushuar deri ne fund duke e bere nje gje te tille. Kjo do te thote se Vllaznia ka rregulluar jo pak gjera ne pjesen e lojes prapa dhe ketu duket se po shihet dora e Memellit, megjithate te shohim se sa do te vazhdoje te jete keshtu”- eshte shprehur Starova./SHKODRA-SPORT.COM/
