Vllaznia në raundin e parë eleminator të Conference League, prej kohësh ka mësuar kundërshtarin e saj. Që do jenë rumunët e Univ.Craiova. Ekipi që e mbylli në vendin e tretë kampionatin në Rumani dhe që po ashtu fitoi kupën e vendit. Pra një kundërshtar i nivelit të lartë për kuqeblutë, që do kenë shumë vështirësi ndaj rumunëve.
Craiova prej disa kohësh po zhvillon fazën përgatitore dhe dje në ndeshjen miqësore fitoi me rezultatin 4-1 kundër Arminia Bielefeld. Ekipit gjerman që në sezonin 2021-22 ishte pjesë e Bundesligës. Pra një rezultat që tregon shumë për forcën sulmuese të rumunëve dhe këtë e vërtetojë edhe vlerat në merkato të repartit ofensiv.
Sulmuesi kryesor, Elvir Koljic me vlerën 1.5 milionë euro në merkato do jetë kundërshtari direkt i dyshes Juriç-Bulatoviç tek Vllaznia. Një duel totalisht ballkans që do shohë të përballen mentalitete thuajse të njëjta të futbollit. Po ashtu edhe nga krahët detyra do jetë e vështirë për dyshen Hakaj-Gurishta.
Rumunët në përbërjen e tyre kanë Markoviç, 21-vjeçari serb që realizoi dy gola dje kundër Arminias dhe që ka një vlerë në merkato prej 1.2 milionë eurosh, apo edhe Gustavon dhe Ivan që cilësohet si më i rrezikshmi i sulmit të Craiovas.
Tashmë tek Vllaznia duhet të marrin masat që ndaj Craiovas të bëjnë paraqitjen më të mirë të mundshme në Conference League.
Endri ÇINARI
