Sindrit Guri rikthehet sërish në skenë. Ish sulmuesi i Vllaznisë u transferua në merkaton e verës së shkuar te Instanbulspor në Turqi.
Shkodrani firmosi një kontratë që e lidhte me turqit për 3 sezonet e ardhshme. Megjithatë dje ai ka zgjedhur t’i japë fund bashkëpunimit duke dalë në këtë mënyrë futbollistë i lirë.
29-vjeçari është shndërruar në opsion për klubet e Superiores, veçanërisht për Partizanin që e ka tentuar në disa sesione merkatoje. Por, rroga e lartë e lojtarit dhe dëshira për të luajtur jashtë vendit kanë sprapsur gjithmonë tratativat.
Tashmë pritet të shihet se kush do të jetë e ardhmja e tij, teksa nuk përjashtohet mundësia që të vijojë të luajë sërish jashtë vendit. Në sezonin e fundit ai u aktivizua në 12 ndeshje, duke mos arritur të shënonte asnjë gol./newsport/
