Tension dhe përplasje mes tifozëve dhe policisë përpara nisjes së duelit AEK-u i Athinës-Ajax.
Takim i vlefshëm për grupin B të Europa League. Një grup i zjarrtë ku bëjnë pjesë edhe Marseille dhe Brighton.
Mbërritja e ultrasve holandezë afër stadiumit “OPAP Arena”, ka shkaktuar probleme mes tifozëve dhe forcave policore. Ku nuk munguan mjetet piroteknike dhe gazi lotsjellës.
Ultrasit e AEK-ut tentuan të sulmonin grupin e tifozëve të ardhur nga Amsterdami rreth dy orë përpara fillimit të takimit, por ndërhyrja e policisë shmangu përplasjen e madhe mes dy grupimeve tifozerike.
