FIFA ka publikuar sot renditjen e re pas ndeshjeve të qershorit dhe në 10-shen më të mirë nuk ka pasur shumë ndryshime.
Argjentina që fitoi Botërorin vazhdon të jetë në vendin e parë, e ndjekur nga Franca dhe Brazili.
Një vend ka rikuperuar Anglia që është ngjitur e katërta, duke lënë pas vetes Belgjikën.
Ndërkohë, edhe Kroacia ka kapur vendin e gjashtë duke zbritur Holandën në vendin e shtatë.
Italia në vendin e tetë, Portugalia në vendin e nëntë dhe Spanja në vendin e 10 janë skuadrat që mbyllin klasifikimin e 10 vendeve të para në Botë.
