Gentjan Mezani është zyrtarisht trajneri i ri i Laçit. Sot në orën 14:00 në kompleksin “Internacional” në Pezë-Helmes, vlonjati do të prezantohet para skuadrës që për herë të fundit e ka drejtuar në sezonin 2017-2018, duke shkuar deri në finalen e Kupës.
Mezani ka qenë më parë edhe në krye të Flamurtarit dhe Luftëtarit në Superiore. Në vitet e fundit ai ka drejtuar me sukses në Kosovë klubin e Gjilanit.
Drejtuesit kurbinas besojnë se rikthimi i vlonjatit do t’i japë një shtysë më të madhe ekipit për të nisur ngjitjen në renditje.Objektivi është sigurimi i një vendi që të çon në Europë dhe fitimi i Kupës. Debutimi i 43-vjeçarit do të jetë më 11 dhjetor, kur Laçi luan një transfertë delikate ndaj Bylisit.
Objektivi i Laçit eshte per te qene serish ne mes ekipeve te elites te futbollit shqiptar dhe per momentin ende nuk eshte aty ku duhet, prandaj me ardhjen e Mezanit ne pankine pritet qe gjerat te ndryshojne.
