Nje sezon i shkelqyer nga fillimi e deri tani, mund te shkoje dem per disa gabime te vogla. E kemi fjalen per ekipin e volejbollit te meshkujve te Vllaznise qe i ka humbur dy ndeshjet e para finale ndaj Partizanit, me te njejtin rezultat 2-3.
Dy ndeshje qe me pak me shume kujdes mund te ishin fituar dhe tashme mund te ishim duke folur e shkruar ndryshe. Megjithate trajneri i ekipit shkodran Ermal Kraja pas ndeshjes se djeshme ka thene se “Vllaznia ende nuk ka hequr dore nga pretendimet e saj”.
Ne nje prononcim per “RTSH” menjehere pas ndeshjes ai u shpreh: “Humbem serish per disa gabime te vogla, megjithate skuadra funksionon dhe kjo me ben te shpresoj se rrugetimi yne drejt titullit kampion nuk do te ndalet ketu.
Une besoj tek skuadra qe kam ne dispozicion dhe per kete arsye, te shtunen do te synojme ta fitojme ndeshjen e trete per te treguar se Vllaznia do te luftoje deri ne fund per te bere realitet objektivin qe kemi per t’u shpallur kampion kete sezon”.
© shkodrasport.com
