Vetem dy dite pushim per futbollistet e Vllaznise dhe ata do te rikthehen serish ne stervitje. Po, po, vetem 2 dite pushim, me date 31 dhjetor dhe 1 janar sepse me 2 ata do te jene ne fushen e stervitjes duke djersitur.
Kesisoj duket qarte se trajneri Osmani ka nder mend “t’ua zere gjelin e detit ne fyt” futbollisteve te tij sepse nuk kane kohe per te humbur por do te nisin menjehere pergatitjet per gjysmen e dyte te sezonit.
Ne fakt asnjehere tjeter me pare nuk kishte ndodhur qe per futbollistet e Vllaznise te kete kaq pak kohe pushim ne periudhen e nderrimit te viteve. Ata diten e djeshme kane qene serish ne fushe, madje duke zhvilluar nje miqesore si ajo me Beselidhjen.
Fakti qe futbollistet do kene vetem dy dite pushim, me shume mundesi do te beje qe kroati Juriç, serbi Stojanoviç apo dhe ndonje tjeter, te jene te detyruar ta festojne Vitin e Ri ne Shkoder sepse nuk do kene kohe per te udhetuar drejt familjeve te tyre.
Programi i Vllaznise per diten e pare te stervitjes, do te jete zhvillimi i nje seance pasditen e se martes dhe pas saj, nisja menjehere drejt Ulqinit ku do te qendroje deri pak dite para ndeshjes me Kukesin qe eshte e programuar te luhet me 14 janar ne Shkoder.
