Egnatia do jetë sot vizitore në Shkodër përballë Vllaznisë në kuadër të javës së 13-të të Superiores. Rrogozhinasit që kanë pretendime serioze këtë edicion do kërkojnë një rezultat pozitiv në “Loro Boriçi”. Dhe nën drejtimin e Shpetim Duros, Egnatia ka gjetur ritmin e duhur dhe rezultatet kanë qenë të mira së fundmi.
Edhe sot përballë kuqebluve, trajneri kryeqytetas duket se ka projektuar edhe titullarët që do zbresin në fushë në orën 16:30. Kështu në portë pritet si gjithmonë Alen Sherri e para tij një mbrojtje e rreshtuar me katër. Ku nga e djathta do jetë Fangaj e majtas do jetë Musta. Me dyshen Malota-Atanda që do përbëjnë qendrën e repartit të prapavijës.
Në mesfushë duket se i sigurtë do jetë Agbekpornu, që do ketë si mbështetje Fernandon dhe njërin mes Mellugjes dhe Ojediran. Në sulm Delarge duket i paprekshëm e ndërsa nga krahët do jetë edhe Jackson dhe Camaj. Për të përbërë kështu 11-tshen që do luajë sot kundër Vllaznisë.
Patjetër që Egnatia është vetëm 1 pikë pas Vllaznisë dhe një kundërshtar për tu marrë në konsideratë. Duke mos harruar edhe humbjen e fazës së parë, ku rrogozhinasit fituan 3-0 përballë kuqebluve, e ky fakt të intrigon më tepër për ndeshjen e sotme. Një duel që pritet të jetë mjaft interesant nën prozhektorët e “Loro Boriçit”.
Endri ÇINARI
