Klubet e “Abissnet Superiore”-s kanë zhvilluar sot javën e 16 në kampionat. Partizani ruan ende kreun edhe pas humbjes ndaj Vllaznisë, por tashmë Tirana ngushton diferencën në vetëm 1 pikë.
Derbit të kryeqytetit i shtohet edhe Vllaznia në vallen për titullin kampion. Shkodranët tashmë kanë marrë vendin e 3-të në renditje së bashku me Egnatian dhe e shohin kreun vetëm 4 pikë larg.
Ndërkohë gara mbetet e hapur edhe në pjesën e poshtme të tablës. Kukësi mban vendin e fundit në klasifikim, por vetëm 4 pikë e ndajnë nga vendi i 6, në të cilin është i pozicionuar Laçi.
Renditja është e ngjeshur në zonën e ftohtë të tabelës dhe gara për mbijetesë pritet të jetë e gjatë dhe e ashpër. Kuptohet ende nuk kemi mberritur ne gjysmen e gares dhe me ndryshimet e fundit qe Vllaznia ka pesuar tashme me ardhjen e Balajt, ajo vertete pritet te jete nje nga kandidaturat me te forta per titullin kampion.
