Pa u ftohur mire situata dhe ne valen e polemikave per largimin e shkodraneve dhe emerimin e nje lojtareje te huaj si kapitene, te Vllaznia e volejbollit te femrave ne raport me presidentin Florian Zekja, ka edhe me shume se kaq.
Problemet e thella qe kane pushtuar Vllaznine ne volejboll per femra jane zgjeruar me shume dhe kete here, nje akt i paprecedente ka terhequr shume vemendjen ne fund te ndeshjes me ekipin e Skenderbeut te cilen shkodranet e humben me rezultatin 1-3. Volejbollistja shkodrane Mandisa Kuçi, pasi ka hequr fanellen, ia ka dorezuar dhe perplasur ate presidentit Florian Zekja, duke treguar revolten e saj dhe pakenaqesine qe ka tek Vllaznia e volejbollit te femrave.
Volejbollistja Kuçi eshte nje emer i njohur i ekipit shkodran vitet e fundit, teksa edhe sot ne ata pak minuta qe luajti ndaj Skenderbeut, shenoi edhe disa pike, por siç duket trajneri Besnik Lisha e mendoi ndryshe, duke e zevendesuar ate dhe duke mos e aktivizuar me ne fushen e lojes.
Fillimi i sezonit ka nisur me jo pak probleme per Vllaznine ne volejboll per femra, e cila ka si pretendim fitimin e titullit kampion, por me problemet e treguara deri me tani, duket shume larg atyre synimeve dhe pretendimeve qe trajneri Besnik Lisha dhe presidenti Florian Zekja kane deklaruar.
Maringlen ZHIVANI
