Trajneri i Barleti Volley ne volejboll per femra, Altin Gorenxa, eshte i pakenaqur nga paraqitja e skuadres se tij ne perballjen e djeshme te play-off ndaj Vllaznise. Ky duel mes ekipit kuqeblu dhe Barleti Volley u zhvillua pasditen e djeshme ne pallatin e sportit “Qazim Dervishi” te Shkodres dhe u fitua nga skuadra vendase me rezultatin 3-2.
Kjo fitore, sipas trajnerit kryeqytetas Gorenxa, ishte mese e merituar per Vllaznine, duke marre ne konsiderate faktin se ekipi kuqeblu ishte mjaft i pergatitur per ta fituar kete ndeshje. Gjate intervistes se dhene per “Shkodra Sport”, Gorenxa u shpreh se ne humbjen e Barletit ndikoi ana psikologjike e volejbollisteve qe ai drejton dhe vete-kenaqesia qe ishte ne rradhet e tyre, ndersa theksoi se Vllaznia ka shume elemente te mire per te ardhmen.
“Ne ishim pergatitur qe ne Tirane qe ketu ne Shkoder, ndeshja nuk do te ishte si atje. Ne fituam kater dite perpara, por sot ishte komplet nje ndeshje ndryshe. E dinim qe Vllaznia do luante fort, sepse e para ishte ne fushen e vet. Ato do jepnin maksimumin per te fituar dhe per ne kete ishim pergatitur.
Ana emocionale dhe ana psikologjike e gocave, edhe vete-kenaqesia qe fituan nje ndeshje 3-0 para kater ditesh, beri punen e vet. Megjithate, behet fjale per Vllaznine qe ka elemente goxha te mire. Nuk eshte se eshte nje ekip qe nuk ka nivel, nuk eshte se eshte nje ekip qe nuk ka volejbolliste, ka volejbolliste te mira dhe luftarake qe asnjehere nuk e leshuan lojen. Shpresojme te fitojme ne Tirane.
Cfare ndodhi? Ne fakt, ndodhi ajo qe vajzat nuk zbatuan asgje nga detyrat taktike qe jep trajneri. Ato rane shume emocionalisht, paten nje ngerc ne pritjen e topit te pare dhe si rrjedhoje, nje gje e tille solli komplet vazhdimin e setit. Nese do kishte filluar seti i peste dicka me ndryshe, mbase do ishim ndryshe normalisht.
Normalisht qe, ne do luajme per te fituar. Edhe ketu erdhem per te fituar, por nuk fituam dot. Do fitojme ne Tirane dhe une shpresoj shume. Do japim maksimumin per te fituar ne Tirane dhe me pas, per t’u rikthyer edhe njehere ne Shkoder.
Shiko, edhe fazen e pare e kam thene qe per ne, ekipi rival eshte Vllaznia. Domethene qe ne fazen e pare, ne kemi luftuar kunder Vllaznise, kemi humbur kunder Vllaznise, sepse ekipet e tjera jane me te perforcuara dhe me nivel me te mire se ne. Jemi munduar te mbajme nje standart te mesem me volejbolliste shqiptare qe te shohim nese do ia dalim”,-mbylli prononcimin e tij, trajneri i Barleti Volley ne volejboll per femra, Altin Gorenxa.
Maringlen ZHIVANI
