Françesko Totti ka hequr dorë nga futbolli profesionist, teksa u nda edhe nga klubi të cilit i kushtoi gjithë karrierën e tij, Romës. Ish-kapiteni i romakëve duket se tashmë ka marrë një të rrugë tjetër në karrierën e tij.
Ish-futbollisti Italian ka vendosur të qendrojë pranë kamerave. Pas eksperiencës në shfaqjen televizive “Celebrity Hunted”, Totti ka qenë protagonist në video të organizuar në rrugët e kryeqytetit Italian.
I maskuar si një murg, së bashku me “Footwork”, ikona e klubit të Romës ka dalë përreth qytetit dhe kanë nisur të luajnë me një top futbolli. Pjesë e lojës janë bërë edhe qytetarët e rastësishëm që po kalonin pranë, ndërsa reagimet kanë qenë të ndryshme.
Tre murgj që luajnë futboll patjetër që është një pamje që tërheq vëmendje dhe kjo duket qartë në video, ku ka edhe persona që ndalojnë punën e tyre për të kuptuar se çfarë po ndodh./Sport Ekspres/
