Dilema se ku do te luhet ndeshja Vllaznia- Dinamo tashme ka marre fund. Kjo ndeshje, e vlefshme per javen e 5-te te “Abissnet Superiore” do te luhet te henen ne ora 19.45 ne stadiumin “Loro Boriçi”.
Fusha e ketij te fundit eshte mbjellur para dy javesh por situata e saj duket shume opimiste dhe si rrjedhoje ndeshja e se henes do te luhet pa problem ne te.
“Shkodra Sport” ju sjell pamjet ekskluzive te dites se sotme teksa shikohet qe fusha eshte ne gjendje shume te mire. Bari i sapodale eshte korrur ne fillim te javes dhe pritet qe te korret serish sot ose neser dhe madje, mund te kete edhe nje proces tjeter para ndeshjes me Dinamon.
Kjo do te thote se sipas te gjitha rregullave, luajtja ne te tashme nuk perben me asnje problem. Ky padyshim qe eshte nje lajm i mire per skuadren shkodrane e cila deshironte ta luante me çdo kusht ndeshjen ne kete stadium, por edhe per tifozet qe do te kene mundesine te jene prane skuadres se tyre te zemres./SHKODRA-SPORT.COM/
