Eshte percjelle per ne banesen e fundit ish- kampioni i boksit Viktor Martini. Nje gje e tille eshte bere permes nje ceremonie te organizuar nga Shoqata e Boksit Vllaznia teksa qytetaret dhe sportdashesit shkodrane kane patur mundesi t’i japin atij lamtumiren gjate homazheve te kryera mesditen e sotme ne sallen e Keshillit te Qarkut Shkoder.
Kryetrajneri i boksit Zef Gjoni dhe nje numer i madh ish- sportistesh te Viktor Martinit, kane vendosur kurore prane arkivolit te tij, ashtu si dhe drejtuesit e zyres se sportit prane Bashkise Shkoder.
Gjoni duke folur per mediat eshte shprehur: “Viktori ishte i fundit i dekades se vjeter qe na la lamtumiren sot. Ka qene nje boksier i rralle dhe te gjithe e kane quajtur “motor” per nga menyra si boksonte. Edhe si trajner ka qene nder te paret qe ka dhene kontributin e tij ne ringritjen e boksit ne Shkoder duke stervitur shume kampione”.
Kane folur per ish- trajnerin e tyre edhe kampionet e pare te dale nga duart e tij. Besnik Gjetaj, nje nga boksieret me te mire qe ka nxjerre Viktor Martini eshte shprehur: “Ka qene i jashtezakonshem si trajner. Edhe sot nuk gjen njeri qe punon me aq pasion sa ka punuar profesore Viktori. Do te jete gjithmone ne kujtimet tona, ne bisedat tona. Ka qene nje trajner qe eshte shquar per tekniken e larte dhe kam patur fatin qe jam stervitur me te”.
Ndersa kampioni tjeter Rafael Daberdaku shton: “Ka qene gje e veçante, gje e bukur qe te ishe sportist i Viktor Martinit. Nje trajner i madh dhe nje njeri i madh”.
