Mendohej se ishte një lajm merkatojë për shaka, por rezultoi të ishte i vërtetë. Derbi Kaunti deklaroi në verë se Uejn RUni nga janari do të ishte pjesë e kësaj skuadre dhe gjithçka është bërë realitet.
Sulmuesi 34-vjeçar anglez i është bashkuar për një vit e gjysëm klubit të kategorisë së dytë angleze, duke dashur të ringjallë karrierën e tij në Angli pas eksperiencës në MLS.
Sulmuesi që mban rekordin e golave në historinë e Mançester Junajtid (253 në 559 ndeshje) dhe përfaqësueses angleze (53 gola), do të debutojë më datë 2 janar kundër Barnslit.
Konfirmimin e ka dhënë trajneri i kësaj skuadre, Filip Koku, i cili ka konfirmuar se sulmuesi njëkohësisht do të ishte edhe ndihmësi i tij në pankinë.
“Unë kam një kontratë 18 mujore. Më pas edhe mund të vazhdoj, varet nga çfarë do të thotë fiziku im. Sot ndjehem mirë, kam qenë me fat që në karrierë nuk kam pasur dëmtime të mëdha muskulore”, tha sulmuesi para rikthimit të tij në fushën e lojës në Angli.
Asistent-trajner? Do t’i jap një dorë Koku, pastaj kur të tërhiqem nga futbolli do të mendoj për të drejtuar një ekip vetë”, konfirmoi Runi qëllimet e tij. /vipsport/
