Plot 27 futbollistë ka aktivizuar trajneri Armando Cungu me Vllazninë në ndeshjet e kampionatit të fundit. Dëmtimet e shumta të futbollistëve apo dhe problemet e tjera të krijuara në ndeshjet e fundit, kanë bërë që ai të aktivizojë edhe lojtarët e stolit dhe jo vetëm sepse në ndeshje të caktuara, është detyruar të marrë edhe nga ekipi B apo dhe ai U-19 i klubit.

Ky numër kaq i madh futbollistësh të aktivizuar nuk është shumë koferent edhe me vendin që Vllaznia ka zënë në fund të kampionatit, atë të shtatin. Sa i takon statistikave të këtij sezoni, figuron që kapiteni Shtubina ka qenë në fushë në 34 nga 36 ndeshjet e kampionatit dhe pas tij vjen mbrojtësi Gocaj me 33 e më pas Tafili me 32 ndeshje, Bicaj 29 e me rradhë gjithë të tjerët. Mjafton t’u referohesh këtyre të dhënave për të kuptuar më së miri edhe dështimin në lidhje me disa blerje të merkatos së kuqebluve si Cicmil që ka luajtur vetëm në 19 ndeshje, Pepa me 16 ndeshje dhe për të përfunduar tek Yll Hoxha që ka qenë prezent vetëm në 7 ndeshje të gjysmës së parë të kampionatit. Lojtari që është aktivizuar më pak ndërkohë është Kapaklija i cili ka qenë në fushë vetëm 1 minutë në një ndeshje sepse më pas, nuk ka luajtur për shkak të dëmtimit të pësuar, që e detyroi t’i nënshtrohej edhe një ndërhyrje kirurgjikale. Ja statistikat e të gjithë lojtarëve të aktivizuar në kampionatin e fundit tek Vllaznia.
1.Ndriçim Shtubina        34 ndeshje
2.Olsi Gocaj                33 ndeshje
3.Alsid Tafili               32 ndeshje
4.Ditmar Bicaj            29 ndeshje
5.Ardit Krymi            29 ndeshje
6.Florind Bardulla        28 ndeshje
7.Endrit Vrapi            28 ndeshje
8.Erald Çinari              27 ndeshje
9.Denis Pjeshka            25 ndeshje
10.Arlind Kalaja          23 ndeshje
11.Rubin Hebaj            23 ndeshje
12.Jasmin Agoviç        22 ndeshje
13.Erdenis Gurishta        21 ndeshje
14.Stefan Cicmil        19 ndeshje
15.Brunild Pepa            16 ndeshje
16.Erind Selimaj        14 ndeshje
17.Elis Bakaj            14 ndeshje
18.Arsid Kruja            14 ndeshje
19.Uendi Vecaj            14 ndeshje
20.Antonio Marku        13 ndeshje
21.Ivor ëeitzer            11 ndeshje
22.Landry Mulemo         8 ndeshje
23.Yll Hoxha             7 ndeshje
24.Denis Dyca             6 ndeshje
25.Arsen Hajdari         3 ndeshje
26.Arenc Dibra               3 ndeshje
27.Ambroz Kapaklija         1 ndeshje