Pas fitores diten e diele ndaj Drites se Gjilanit, Vllaznia e volejbollit te femrave do te luaje pasditen e neserme sfiden e dyte te vlefshme per Ligen “Gjergj Kastrioti”.
Sipas kalendarit, vajzat kuqeblu do te ndeshen me ekipin e Skenderbeut dhe ndeshja do te luhet ne pallatin e sportit “Tamara Nikolla” duke nisur nga ora 17.00 e pasdites se te enjtes.
Te dy ekipet, si Skenderbeu ashtu edhe Vllaznia i kane fituar ndeshjet e para, respektivisht ndaj Fer Volej dhe Drites dhe si rrjedhoje do te kerkojne fitoren edhe ne kete jave te fundit, per te vijuar me kryesimin e renditjes.
Kuptohet qe volejbollistet kuqeblu i pret nje sfide shume e veshtire sepse siç dihet, korçaret jo vetem jane kampionet ne fuqi te vendit, por kryesojne edhe kampionatin aktual dhe duke treguar nje performance shume te mire.
Megjithate trajneri Besnik Lisha eshte shprehur se skuadra po rritet nga dita ne dite dhe do te kerkoje deri ne fund t’i fitoje te gjitha trofete. Qe do te thote se do te kerkoje fitoren edhe ndaj Skenderbeut sepse vetem keshtu mund te pretendohet fitimi i Liges “Gjergj Kastrioti”./SHKODRA-SPORT.COM/
