Vllaznia mori një humbje në shifrat e thella 0-4 ditën e djeshme kundër Egnatias. Ky takim në kuadër të javës së 31-të të Superiores dhe një humbje që ka komplikuar shumë situatën tek kuqeblutë. Kjo pasi tashmë shkodranët janë në vendin e 5-të me 42 pikë. 4 më pak se Egnatia që mban vendin e tretë.
E kjo disfatë konfirmon edhe njëherë momentjn negativ që po kalon tashmë ekipi i drejtuar nga Sedloski. Por nëse ndeshjet në shtëpi kanë qenë një armë e fort këtë sezon, nuk mund të thuhet e njëjta gjë për periudhën e fundit. Kjo pasi kuqeblutë mes kupës dhe kampionatit kanë vetëm 1 fitore në 6 ndeshjet e fundit të zhvilluara në “Loro Boriçi”.
Duke e nisur nga humbja më e freskët, ajo e djeshmja përballë rrogozhinasve në kampionat. Për të vijuar sërish me barazimin 1-1 në gjysmëfinalen e kupës kundër Egantias në mesjavën e shkuar. Për të vijuar me fitoren kundër Erzenit në shifrat 3-1 e me barazimet 0-0 përballë Bylis dhe 1-1 kundër Partizanit. Që konfirmojnë se ndeshjet në shtëpi nuk janë më një pikë e fortë.
E tashmë kur kanë mbetur 5 ndeshje nga fundi i kampionatit, asgjë nuk është në dorën e Vllaznisë. Kuqebluve iu ngelet si mënyra më e shpejtë dhe e mundur kualifikimi në kupat e Europës nëpërmjet kupës. Pasi shihet se tashmë gara në kampionat duket se do jetë shumë e fortë dhe thuajse e pamundur për të kapur 3 vendet e para të renditjes në klasifikim.
Endri ÇINARI
