Erdhën me shumë bujë, por u larguan shpejt nga Shkodra. Bëhet fjalë për pesë basketbollistët amerikanë që u afruan kohët e fundit tek Vllaznia si përforcim. Nga sa mësohet, ata tashmë janë kthyer sërish në vendin e tyre sepse kanë rënë dakord me drejtuesit e klubit për ta ndërprerë kontratën.
Arsyeja ka patur të bëjë me vendimin e dalë nga institucionet shtetërore të cilat vendosën që kampionatet e basketbollit dhe volejbollit të mos nisin si rrjedhojë e situatës së krijuar nga pandemia.
Në këto rrethana, kur për këtë vit nuk bëhet fjalë për të filluar, por me shumë të ngjarë as në fillimin e vitit të ardhshëm, është parë e arsyeshme që këta basketbollistë të mos mbahen më në Shkodër.
Edhe vetë lojtarët kanë shprehur dëshirën për t’u larguar dhe për këtë arsye, është vendosur ndërprerja e bashkëpunimit. Kësisoj Harris, Harding, Madisom, Laëhorn dhe Oberëeiser tashmë janë larguar nga Shqipëria dhe nuk do të jenë më pjesë e ekipit të Vllaznisë.
Presidenti Xhaferi dhe drejtuesit e tjerë të ekipit nisën punën për të ndërtuar një ekip cilësor me të cilin dëshiron të fitonin titullin e 10-të kampion.
Për këtë arsye, morën trajnerin e kombëtares Afrim Bilali për të drejtuar kuqeblutë dhe po ashtu sollën edhe pesë basketbollistët, por tashmë planet janë ndërprerë sepse nuk dihet nëse do të ketë kampionat apo jo.
