Vllaznia mori pasditën e djeshme një rezultat pozitiv ndaj Teutës me qëllim afrimin me skuadrat e kreut të renditjes. Në këtë javë të 15-të, shkodranët funksionuan në disa aspekte, pavarësisht pengesave që i ishin shfaqur para ndeshjes.
Kështu, Kaina është rikthyer në formacionin titullar me një dopietë. Në këtë rikthim të tij në 11-shen e parë, u pa se sulmuesi brazilian ka arritur të rifitojë formën dhe jo më kot shënoi edhe dy gola.
Me Kainën në majë të sulmit, skuadra e Josës arriti të funksionojë shumë mirë dhe tregoi se në javët në vijim, ndoshta do të jetë kërcënuese për ekipet e tjera të kreut.
Kujtojmë këtu se, me rifillimin e kampionatit më 14-janar, ndeshja e rradhës për shkodranët është ajo ndaj Partizanit, në stadiumin e këtyre të fundit. Në rast triumfi, skuadra e Josës afrohet me katër pikë larg “demave të kuq”.
Maringlen ZHIVANI
