Nje reagim i tepruar ndaj tifozeve bardheblu pas ndeshjes me Tiranen, i ka kushtuar jo pak mbrojtesit te Vllaznise Esin Hakaj sepse eshte pezulluar 4 jave nga Komisioni i Disiplines.
Gjysma e ketij denimi tashme eshte mbyllur dhe sipas rregullores, gjysma tjeter mund te konvertohet duke paguar nje gjobe dhe keshtu ka ndodhur. Si rrjedhoje, ai do te jete i gatshem per ekipin e Vllaznise ne ndeshjen e neserme ndaj Erzenit.
Nje gje e tille eshte bere e ditur nga vete trajneri Osmani gjate konferences se sotme per shtyp. Pagesa per konvertimin e denimit ka qene e detyrueshme sepse Vllaznia per momentin nuk ka nje mbrojtes te majte ne dispozicion dhe jo me kot ne ndeshjen ndaj Kukesit aty luajti Mala.
Edhe brazilini i sapoardhur Andrey Yago ende nuk i ka ardhur leje- kalimi nga klubi i meparshem dhe per kete arsye, nuk do te jete i gatshem per ndeshjen e neserme. Kjo ka bere qe klubi te sakrifikoje per Esin Hakajn, vetem e vetem qe ai te jete ne fushe diten e neserme./SHKODRA-SPORT.COM/
