Ne dy “betejat” e para nuk ia kane dale. Por kjo nuk do te thote se kane hequr dore perfundimisht nga “lufta” e tyre. Volejbollistet e Vllaznise do te rikthehen serish ne parket per te luajtur sot pasdite sfiden e trete finale ndaj Partizanit, ne ndeshjen qe do te nise ne oren 19.00 ne pallatin e sportit “Qazim Dervishi”.
Natyrisht qe tashme gjerat nuk jane ne favorin e tyre sepse te kuqte udheheqin me rezultatin 2-0 dhe madje mund te vijne sot ne Shkoder me objektivin per te festuar titullin kampion.
Por kuqeblute e trajnerit Ermal Kraja duhet te bejne çmos per t’ua shtyre festen. Te pakten deri javen e kaluar ne Tirane. Pse jo, per te lene gjithçka per sfiden e peste ne Shkoder.
Mundesite i kane, aftesite dhe pervojen e duhur po e po. Prandaj dhe Vllaznia sonte duhet te tregoje vlerat e saj. Kapiteni Qafarena duhet te jete ai “timonieri” ne fushe qe do te drejtoje shoket e tij drejt fitores se pare. Ata kane treguar se nuk kane asgje me pak se Partizani.
Nese i kane humbur dy ndeshjet e para, kjo ka ndodhur me shume per gabimet e tyre sesa per merite te kundershtarit. Ne momente te caktuara volejbollistet e Vllaznise nuk kane shfaqur personalitetin e duhur ne fushe dhe nga kjo jane penalizuar.
Sonte nuk duhet te ndodhe e njejta gje. Vllaznia me çdo kusht duhet te fitoje per te rizgjuar shpresat. Vertete “shpresa vdes e fundit” por kjo nuk eshte thjesht shprese: Eshte nje mundesi e arte. Kuqeblute mund t’ia dalin te jene kampione te Shqiperise edhe per kete sezon.
www.shkodrasport.com
