Skuadra e Vllaznisë e ka kaluar pushim këtë fundjavë. Trajneri Armando Cungu ka vendosur kështu në mënyrë që të mos I ngarkohë nga ana fizike futbollistët sepse procesi stërvitor ende nuk ka nisur me ngarkesat e duhura. Për këtë arsye, e shtuna dhe e diela kanë qenë ditë relaksi për sportistët. Ndërkohë ata do t’i rikthehen procesit stërvitor sërish pasditen e së hënës.
Kjo lloj stërvitje do të vazhdojë të paktën deri javën tjetër sepse normalisht në kampionatin shqiptar, ekipet shfrytëzojnë një periudhë 6 javore para nisjes së kampionatit për të zhvilluar fazën përgatitore.
© shkodrasport.com
