Vllaznia ka vijuar edhe sot pergatitjet per sfiden e rradhes, ate qe do te luaje diten e shtune ne oren 13.00 ne stadiumin “Selman Stermasi” ndaj Tiranes kryesuese. Nje sfide qe duhej te ishte luajtur ne Shkoder, por per shkak te punimeve qe po behen ne “Loro Boriçi”, eshte spostuar ne kryeqytet.
Por pavaresisht se do te donin ta luanin kete takim ne fushen e tyre, kuqeblute jane te bindur se mund t’ia dalin te marrin tre pike edhe brenda ne Tirane, per te perseritur suksesin e shtatorit kur fituan 2-1 fale golave te shenuar nga Marku e Kaina.
Trajneri Josa po ben gati menyren e te luajturit, skemen dhe formacionin, megjithate per momentin eshte i kushtezuar nga tre futbollistet qe jane te grumbulluar me kombetaren ne Spanje per miqesoren ndaj Katarit dhe pikerisht te Gurishtes, Hakajt dhe Markut.
Gjeja e pare qe stafi uron eshte qe keta futbolliste te mos kene ndonje problem demtimi, nderkohe qe po behen planet edhe per formacionin. Te pakten deri tani ka vetem nje dileme, ate se kush do te jete ne maje te sulmit sepse per 10 te tjeret nuk ka dyshime.
Ideja eshte nese do te luaje serish Aralica nga minuta e pare, apo do jete Kaina kete here apo dhe Ardit Hoxhaj ne maje te sulmit. Nje pyetje qe ne fakt do te marre pergjigje vetem te shtunen para ndeshjes./SHKODRA-SPORT.COM/
