Vllaznia, sot fitore për trajnerin Vata

Ardhja e Rudi Vatës në krye të Vllaznisë është pritur mirë nga opinioni sportiv shkodran. Vetë emri i tij krijon respekt për të gjithë e prandaj tashmë pritet edhe një prezantim dinjitoz i tij në pankinë si trajner. Debutimi i tij do jetë pikërisht sot pasdite në orën 16.00 në "Loro Boriçi" ku Vllaznia do presë ekipin e Bylisit në kuadër të javës së tetë të Superligës shqiptare.

Urimi i prindërve: “Dalsh faqebardhë Rudi!”

Ndeshja e nesërme me Bylisin do të shënojë debutimin e Rudi Vatës në pankinën shkodrane. Ai vetë po e përjeton me shumë emocione këtë debutim në pankinë. Për më tepër në krye të skuadrës së zemrës dhe më së shumti, para tifozëve shkodranë. Të gjitha këto, vetë ish-kapiteni i kombëtares kuqezi kërkon t’i lërë mënjanë se tashmë prej tij pritet tjetër gjë: fitorja me Bylisin.

Përvjetori: Edhe 100 të tjera Viori!

Për kapitenin e Vllaznisë Vioresin Sinani dita e sotme shënon edhe 34 vjetorin e lindjes së tij. Golashënuesi i mirënjohur e feston këtë përvjetor në një moment shumë të rëndësishëm të karrierës së tij. Pikërisht kur ka nisur punë edhe si zëvendëstrajner përveçse është ende futbollist i kuqebluve.

Vllaznia, “ankand” edhe për trajner portierësh

Ajo çfarë parashikuam apo e kemi cituar edhe në ditët e kaluara, sidomos në lidhje me trajnerin e ardhshëm të portierëve, po rezulton e vërtetë. Ndonëse një post i tillë ka dalë në “ankand”, duke kërkuar një pauses të ri për Avenir Danin, që u largua dy ditë më parë nga ky post, nuk është çudi, që ai të rikthehet përsëri. Por sigurisht që mund të jetë pista e fundit, për momentin, që mund të diskutohet apo të parashtrohet si zgjidhje.

Zyrtare: Rudi Vata trajneri i ri I Vllaznisë

Marrin fund dilemat për postin e trajnerit të Vllaznisë. Rudi Vata do të jetë njeriu që do pasojë Mirel Josën në pankinë shkodrane. Ish-kapiteni I kombëtares shqiptare në këtë mënyrë do ta nisë punën e trajnerit pikërisht me skuadrën e qytetit të tij. Një sfidë më vete për këtë futbollist të mirënjohur që nis kësisoj një detyrë të re, atë të trajnerit, me të njëjtin qëllim: një karrierë sa më të suksesshme.

Rudi Vata prezantohet në orën 16.00 para mediave

Ka marrë fund enigma e trajnerit të Vllaznisë. Rudi Vata do të jetë trajneri i ri i kuqebluve. Prezantimi i tij para mediave do të bëhet në orën 16.00 në zyrat e klubit shkodran. Ky është njoftimi zyrtar që sapo është shpërndarë nga zyra e shtypit e klubit. Në këtë mënyrë ka marrë fund edhe dilema për trajnerin që do drejtojë Vllazninë në pjesën e mbetur të sezonit.

Vata: Premtoj më të mirën për Vllazninë

Ky është një emocion shumë i veçantë për mua në këto momente. Kjo është një përgjegjësi shumë e madhe sepse më janë besuar fatet e Vllaznisë në këto momente. Por vendosa ta pranoj detyrën e trajnerit të kësaj skuadre sepse besova tek projekti që kanë drejtuesit e klubit dhe ato të Bashkisë. Duke pasë një grup njerëzish të tillë pranë, kam marrë këtë vendim shumë të rëndësishëm për jetën time. Të dyja por më së shumti, e pranova ngaqë jam shkodran dhe gjithë shkodranët janë borxhlinj për qytetin e tyre pavarësisht se ku ndodhen. Si pjesë e sportit, jam borxhli për futbollin dhe Vllazninë. Unë jam i ndërgjegjshëm se skuadra ka probleme të mëdha në këto momente por në karrierën time kam kaluar situata shumë të vështira prandaj dhe jam i mësuar me to. Një situatë e tillë është edhe kjo tani tek Vllaznia dhe prandaj mora përsipër një gjë të tillë. Por nëse unë e mora këtë përgjegjësi, këtë përgjegjësi shpreso j të marrin edhe futbollistët.

Mirel Josa: Pati “skenar” për largimin tim?!.. Do të flas më vonë

Ndonëse ende nuk është gjetur trajneri i ri i Vllaznisë, ish-tekniku i kësaj skuadre duket se ka ende diçka për të thënë. Megjithatë, jo tani, edhe pse mund të ketë një ide se ia punuan pas krahëve. Ai siç duket e ka ndarë mendjen, që në ndonjë moment të caktuar, në të ardhmen, të flasë, por siç e thekson ai, pasi ekipi shkodran të jetë në pozita të shëndosha.

Vata- Starova, 50 me 50 shanset për trajner të Vllaznisë

Me shumë gjasa do vendoset sonte se kush do jetë trajneri i ri i Vllaznisë. Kandidaturat janë dy të vetme për momentin dhe me shumë mundësi nuk do të ketë të tjera. Rudi Vata apo Sulejman Starova? Kjo do vendoset sonte. Mbrëmë drejtuesit e klubit shkodran janë takuar dhe kanë biseduar gjatë me Vatën. Kanë dëgjuar gjithçka prej tij, kanë mësuar si e mendon ai ndryshimin e situatës dhe shumë gjëra të tjera.

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR