FUTBOLL

Quhet Ditmar Jubica dhe vjen nga qyteti i djepit të kulturës dhe sportit shqiptar, Shkodra. Në moshën 19-vjeçare do të niste rrugëtimin e tij si arbitër, fillimisht si asistent në ligën amatore të Shkodrës për të përfunduar tani si arbitër kryesor në Superligën Shqiptare. Gjyqtari Jubica, i datëlindjes 08.11.1984, regjistron në arkivën e tij personale: 45 ndeshje në kategorinë e parë, 40 në të dytën dhe 6 ndeshje në superiore. Gjithashtu ka arbitruar në 27 ndeshje të Kupës së Shqipërisë.
Ka qenë viti 2004 kur Jubica do të fitonte të drejtën nga federata për të gjykuar ndeshjet e Kategorisë së Dytë.

Dita e sotme ka nxjerrë sërish në skenë skuadrën e Vllaznisë si protagoniste të akuzave për trukime ndeshjesh. Prokuroria Rajonale e Bohumit në Gjermani ka hapur një hetim për 35 ndeshje që mendohet të jenë të trukuara ndër të cilat edhe ajo Rapid- Vllaznia e luajtur në vitin 2009 dhe që përfundoi 5-0 për austriakët. Sipas asaj çfarë ka shkruar gazeta "Panorama Sport" sot, ka dyshime që në këtë histori është përfshirë edhe portieri i Vllaznisë në atë ndeshje Olti Bishani që thuhet të jetë paguar 10 mijë dollarë për të pësuar 4 gola në pjesën e dytë. Ja si e përshkruan kjo gazetë një lajm të tillë:

Shumica e klubeve të Superligës kanë vendosur sot që t'i propozojnë Komitetit Ekzekutiv të FSHF-së një strukturë të kampionatit 2013-14 me 10 skuadra. Mbledhja është zhvilluar sot në Tiranë me pjesmarrjen e përfaqësuesve të të gjithë klubeve të vendit. Nga Vllaznia kanë qenë të pranishëm administratorit Kujtim Shaba dhe drejtori sportiv Armir Grima. Klubet e mëdha kanë qenë dakord për një ulje të numrit të skuadrave dhe për rrjedhojë është propozuar zbritja e këtij numri nga 14 në 10 skuadra. Kjo do të thotë se nga Superliga do zbresin plot 5 skuadra këtë sezon dhe do ngjitet vetëm një.

Nëse për Vllazninë e fushës po vijojnë pushimet, për atë të zyrës nuk mund të thuhet e njëjta gjë. Klubi, pas afrimit të trajnerit të ri, i është futur me zell punës. Pikësëpari, vëmendja është përqendruar te merkatoja. Edhe pse janë përmendur shumë emra, lakuar plot, zyrtarizime nuk ka pasur. Mirëpo, bisedimet sigurisht që kanë filluar. Vetë klubi nuk i ka mohuar aspak këto tratativa, që do të thotë se ato kanë avancuar deri në një farë pike. Burime zyrtare pranë skuadrës bëjnë më dije për “Panorama Sport” se kuqeblutë do dëshironin që për sezonin e ri të afronin një pjesë të lojtarëve më të mirë të kampionatit shqiptar. Deri tani në qarkullim kanë dalë emra si Bala, G.Lika, Dushku, Shtubina, Vrapi, Bicaj, Biskup, apo edhe Bratiç.

Skuadra shkodrane ende nuk e ka zyrtarisht trajnerin e saj. Kjo ngaqë mungon firma dhe prezantimi para medias. Në pamje të parë, Vllaznia është ende pa trajner por  në të vërtetë nuk është kështu. Shpëtim Duro tashmë e ka marrë Ok-in për të drejtuar këtë skuadër pavarësisht se ende nuk ka hedhur firmë, e zeza në të bardhë në kontratë. Një gje e tillë ishte planifikuar të ndodhte dje por kjo procedurë është shtyrë. Nuk dihen taman arsyet pse ka ndodhur kështu por duket se shtyrja ka të bëjë me axhendën e kryebashkiakut Lorenc Luka. Kjo ngaqë do jetë ai që do ta takojë Shpëtim Duron, do bisedojë gjerë e gjatë në lidhje me skuadrën dhe gjëra të tjera dhe më pas, do kalohet tek hedhja e firmës në kontratë dhe prezantimi para medias.

Ditën e sotme, Armando Cungu ashtu siç pritej është takuar me presidencën e Kukësit teksa kanë filluar tashmë të bisedojnë për të ardhmen e kësaj skuadre. Ndonëse firma e Cungut në kontratë ende nuk është hedhur, kontrata e tij duket punë e kryer por nga sa merret vesh është lënë të firmoset bashkë me dy ndihmësit e tij. Kjo ngaqë presidenti Safet Gjici, i ka kërkuar Cungut të marrë me vete edhe stafin e tij. Interesant shumë janë emrat që ai ka propozuar për ndihmës të tij. Njëri është i mirënjohuri Esat Rakiqi i cili ka një përvojë 35 vjeçare si ndihmëstrajner dhe tjetri është trajneri i portierëve Avenir Dani.

Duket e rrallë dhe e veçantë, e sidomos për futbollin shqiptar, aq dhe origjinale dhe tepër domethënëse. Dy prej emblemave të futbollit shkodranë, pas viteve 90-të, e ndër më të mirët në këtë periudhë në futbollin shqiptar, Safet Osja dhe Vioresin Sinani kanë vendosur që t’i japin fund karrierës së tyre në fushën e blertë përmes një ndeshje lamtumire në stadiumin “Loro Boriçi”. Interesant ka qenë fakt, se ka qenë një ide e vetë Osjes, inisiativë e tij, që ka kërkuar edhe mbështetjen e Sinanit, për të organizuar një ndeshje miqësore-lamtumire në stadiumin, ku për mbi 15 vite kanë dhuruar dhe përjetuar emocione të mëdha, pra në Shkodër.

Trajneri i ri i Vllaznisë Shpëtim Duro ka folur për herë të parë si trajner i kësaj skuadre. Në një intervistë për të përditshmen sportive "Panorama Sport", ai ka dhënë disa nga detajet e planeve të tij të ardhshme. Gazetari Jetmir Halilaj e ka ngacmuar për shumë gjëra megjithatë ai është përgjigjur shkurt. Kuptohet ende nuk është prezantuar dhe nuk ka firmosur megjithatë ka filluar të mendojë si trajner i Vllaznisë. Ndoshta nuk është shumë normale që të parën intervistë si trajner i kësaj skuadre ta japë nga Tirana megjithatë ai ka folur tashmë. Ja intervista e plotë dhënë për këtë gazetë:

Gjithçka ka ndodhur brenda pak orësh. Presidenca e klubit të Kukësit ka shqyrtuar kandidaturën e Armando Cungut për postin e trajnerit të skuadrës së tyre dhe pa vonuar shumë është marrë vendimi që ai të jetë trajneri i tyre i ardhshëm. Lajmi është konfirmuar për www.shkodrasport.com nga vetë presidenti i këtij klubit Safet Gjici që ka thënë: "Biseduam me Cungun, u bindëm nga projekti i tij dhe pasi e diskutuam dhe me bordin, vendosëm ta emërojmë atë trajnerin e ri të Kukësit. Duke nisur nga dita e nesërme kur do bëhet prezantimi zyrtar, ai do nisë punën për ndërtimin e skuadrës së re".

Sulmuesi shkodran Bekim Bala është shpallur "Talenti i Vitit" nga shoqata sportive "Sporti na bashkon". Shpallja zytrare do të bëhet të martën në orën 12.00 në sallën e Teatrit Kombëtar në Tiranë. Sulmuesi i Tiranës ka mbledhur pikë më shumë se gjithë sportistët e tjerë të rinj që janë evidentuar nga kjo shoqatë dhe që janë vlerësuar me pikë nga një votim i bërë me gazetarët sportiv. Lajmi merret vesh nga burime pranë organizatorëve. Shpallja "Talenti i Vitit" sigurisht që është një sukses për këtë sulmues të talentuar i cili ka qenë ndër pikat më të forta të Tiranës në sezonin e fundit duke qenë protagonist me gola si në kampionat ashtu edhe në kupë, madje me golin e tij përcaktues, ai i dha fitoren e Kupës së Shqipërisë në finalen ndaj Skënderbeut.