HomeKRYESOREVllaznia kërkon ta nisë me fitore kampionatin sot ndaj Partizanit

Vllaznia kërkon ta nisë me fitore kampionatin sot ndaj Partizanit

Vllaznia në volejboll për femra, që drejtohet nga trajneri Besnik Lisha, do të fillojë pasditën e sotme sezonin e ri sportiv. Ditën e sotme, ekipi shkodran do të zhvillojë ndeshjen e parë të kampionatit si mysafir në kryeqytet përballë Partizanit.

Shoqata e volejbollit të Vllaznisë, që drejtohet nga Florian Zekja, së bashku edhe me drejtuesit e stafit teknik, kanë deklaruar se do të jenë pretendentë kryesor për fitimin e titullit kampion.

Një gjë të tillë, ata e bazojnë duke njohur elementin që kanë në dispozicion, teksa këtë sezon në gjirin e tyre, si rrallëherë më parë, do të kenë edhe tre volejbolliste të huaja, ruse dhe bjelloruse.

Megjithatë, pavarësisht të gjithave, paraqitja e ekipit shkodran në volejboll për femra, duhet parë në fushën e lojës se si do të shkojë ky sezon i ri për ta. Ndeshja e volejbollit të femrave Partizani-Vllaznia, do të luhet pasditën e sotme në kryeqytet në pallatin e sportit “Asllan Rusi”, duke nisur nga ora 16:00.
Maringlen ZHIVANI

RELATED ARTICLES

Most Popular

Recent Comments