Gazetari Isuf Myrtaj i ftuar në emisionin “Ora Sport” në “Ora News” vlerësoi pozitivisht ndeshjet e javës së 11 të Superiores, ndërsa veçoi fitoren e Vllaznisë ndaj një kundërshtari direkt në betejën për titull, si Dinamoja.
“Dy ndeshjet kryesore, super-ndeshja Vllaznia-Dinamo dhe një tjetër e tillë akademia e futbollit Elbasani – Egnatia, ishin parashikuar si dy ndeshjet më të forta, por hiq ndeshjen Tirana – Vora, katër ndeshjet e tjera kanë qenë super të luftuara, me rezultate të papritura, me përmbysje, me çmenduria siç ndodhi në Durrës në ndeshjen Teuta – Partizani.
Por mendoj se Vllaznia duke mposhtur Dinamon, tregoi qartë se njëra nga rivalet e saj si Dinamoja ngeci në këtë betejë për titullin kampion”, u shpreh Myrtaj.
