Rafaele Paladino është trajneri i ri i Atalantës.
Klubi ka njoftuar zyrtarisht vendimin pas largimit të Ivan Juriç, që rezultoi një zhgënjim. Ndeshja e fundit me Sasuolon u humb me rezultatin 0-3.
Paladino ishte alternativë edhe për stolin e Juventusit, ndërsa në të njëjtën kohë u përfol një rikthim te Fiorentina. Tashmë fokusi i 41-vjeçarit do të jetë tek Atalanta ku luan Berat Gjimshiti.
Kontrata e firmosur është e vlefshme deri në vitin 2027. Për të do të jetë eksperienca e tretë si trajner, pas atyre më parë me Fiorentinën dhe Monzën.
