Pavarësisht zërave që vijnë nga Spanja, sipas të cilëve Milani do të ishte gati të lëvizte për Robert Levandovskin që në janar, gazetari i njohur Fabricio Romano ka sqaruar situatën e sulmuesit polak.
Sipas burimeve pranë lojtarit, Levandovski nuk ka ndërmend të largohet nga Barcelona gjatë merkatos dimërore. Ai besohet të jetë i bindur se skuadra mund të bëjë mirë në të gjitha garat, përfshirë Ligën e Kampionëve, dhe dëshiron ta përfundojë në mënyrën më të mirë aventurën e tij me klubin katalanas.
Për këtë arsye, çdo lëvizje e mundshme drejt Milanos do të shtyhej për verën e ardhshme. Ndërkohë, Milani vazhdon të kërkojë përforcime për repartin e sulmit.
Sipas “Tuttomercatoweb.com”, klubi kuqezi po vëzhgon disa opsione në kampionatet e huaja, me Niklas Fylkrug të Uest Ham dhe Aleksander Sorloth të Atletiko Madrid ndër emrat më të përfolur. Drejtuesit e Milanit synojnë të gjejnë një qendërsulmues cilësor që mund të mbështesë Giroud dhe t’i japë më shumë alternativa skuadrës së Piolit në fazën e dytë të sezonit.
