Kombëtarja e Shqipërisë do të zhvillojë ndeshjen e fundit kualifikuese për Kupën e Botës në shtëpi ndaj Anglisë.
Kuqezinjtë e kanë siguruar pjesëmarrjen në play-offin e Botërorit megjithatë me një fitore befasuese në Tiranë, do të ngriheshin në vazon e dytë.
Kuptohet, sfida nuk do të jetë aspak e lehtë, shkaku që Anglia jo vetëm që nuk di për humbje në këto kualifikuese, por as nuk ka pësuar gol.
Përballja e zjarrtë mes Shqipërisë dhe “Tre Luanëve” do të zhvillohet në “Air Albania”, duke filluar nga ora 18:00.
Kujtojmë, Anglia është lideri i grupit K me 21 pikë në shtatë ndeshje derisa Shqipëria renditet e dyta me 14 sosh./Telegrafi/
