Belajdi Pusi po përjeton sezonin më të mirë të karrierës në Rusi, ku është kthyer në një bomber të pandalshëm për skuadrën e Fakel Voronezh në kategorinë e dytë.
Sulmuesi shkodran po shënon me rregullsi të admirueshme, teksa ekipi i tij bëhet gati për kthimin në elitë, pasi po dominon kampionatin duke lënë pas çdo ndjekës që në gjysmën e parë të sezonit pasi ka 7 pikë diferencë nga vendi i dytë që pas javës së 21-të.
Vetë Pusi ka kontribuuar në fitoren e fundit ndaj Çeliabinsk me shifrat 2-0, duke qenë autori i golit të avantazhit për ekipin e tij. Në minutën e 36-të, ai mori një pasim nga e majta dhe me një gjuajtje të rrufeshme që nuk i la kohë portierit, çoi sferën në rrjetë.
SHIH VIDEON
Ky ishte goli i 13-të i Pusit në këtë kampionat, duke e pozicionuar atë të shkëputur nga ndjekësit në kreun e renditjes së golashënuesve më të mirë të kësaj kategorie.
