Për binjakët Simon dhe Sokol Uldedaj vijnë lajme të mira. Gazeta “Shkodra Sport” në mënyrë ekskluzive mësonn se dy 17 vjeçarët prej pak ditësh janë në provë tek klubi i njohur kroat Dinamo Zagreb.
Të datëlindjes 6 shkurt 2009, këto dy binjakë po spikasin tek Akademia Vllaznia dhe si rrjedhojë kanë fituar edhe vëmendjen e menaxherëve dhe drejtuesve të klubeve të ndryshme europiane.
Ato ranë në sy edhe në finalen e “Super Viareggio Cup” apo dhe në edicionin aktual të turneut ndërkombëtar “Viareggio Cup” dhe kjo ka bërë që në adresë të tyre të vijë një ftesë për provë tek klubi i njohur kroat.
Si rrjedhojë Simoni dhe Sokoli dje kanë munguar në ndeshjet e ekipeve të Akademisë Vllaznia (shpeshherë luajnë me ekipin U19, ndonëse mosha e tyre është për të luajtur me atë U17) dhe tashmë të gjithë janë në pritje nëse për ta do ketë përgjigje pozitive nga drejtuesit e Dinamos së Zagrebit apo jo.
Burimi: Gazeta “Shkodra Sport”
