Një lajm në kufijtë e çmendurisë vjen nga Spanja! Colunga, një klub që luan në Grupin 2 të Divizionit të Tretë të RFEF, ekuivalenti i divizionit të 5-të spanjoll, njoftoi se Angel Mateos Gonzalez, një portier 70-vjeçar, do të luajë të dielën e ardhshme në orën 16:00 kundër Praviano.
Trajneri Efren Díaz gjithashtu e ka konfirmuar lajmin. “Ideja është që ai të luajë disa minuta”, deklaroi ai për “Marcan”. Nëse ky skenar konfirmohet, portieri do të bëhet lojtari më i vjetër që ka luajtur ndonjëherë një ndeshje zyrtare në Spanjë dhe… në të gjithë botën!
Për momentin, Kazuyoshi Miura, i cili luajti tetë ndeshje në futbollin portugez për Oliveirense midis viteve 2022 dhe 2023, mban rekordin dhe është ende aktiv në moshën 59 vjeç. Ai luan në divizionin e tretë të Japonisë për Fukushima United.
Megjithatë, ai është gati ta humbasë rekordin e tij ndaj spanjollit i cili e kishte mbyllur karrierën e tij në futbollin e organizuar në moshën 43 vjeç, por që nuk pushoi kurrë së luajturi.
“Që atëherë, kam mbetur aktiv, duke luajtur për ekipin e kompanisë Hunosa, ekipin e veteranëve Turon… Dhe madje edhe sot”, zbuloi ai, duke siguruar se mbetet aftë për të dhënë kontributin e tij.
