Ledjo Tresa është zyrtarisht futbollisti më i ri i Elbasanit. Sulmuesi i talentuar është “prurja” më e re e verdhebluve, të cilët përmes një postimi kanë bërë publik dhe këtë transferim.
Kujtojmë se në sezonin që lamë pas, 20-vjeçari zhvilloi 29 paraqitje, duke shënuar 7 gola si dhe kontribuoi me 10 asiste, shifra këto që fituan menjëherë pëlqimin e drejtusve të elbasanasve për ta bërë të tyrin një të ri me shumë perspektivë dhe goxha potencial për të ofruar në të ardhmen.
Skuadra nënkampione e Shqipërisë për momentin të gjithë vëmendjen e merkatos duket se e ka përqendruar tek sulmi, ku pas marrjes së dy shkodranëve Rubin Hebaj dhe Ardit Nikaj, tashmë zyrtarizon edhe një tjetër lojtar për këtë repart.
